មេដឹកនាំប្រទេសអ៊ុយក្រែនលោក Volodymyr Zelenskiy បានវាយបកចំៗទៅលើកំពូលមហាសេដ្ឋីលោក Elon Musk បន្ទាប់ពីលោកបានបង្ហោះសារឱ្យអ្នកគាំទ្រខ្លួន ជួយថ្លឹងថ្លែងគំនិតរបស់គាត់ដើម្បីឈានដល់ការបញ្ចប់សង្គ្រាមរុស្ស៊ីនិងអ៊ុយក្រែន នៅលើគណនី Twitter នៅថ្ងៃច័ន្ទសប្ដាហ៍នេះ។ នេះបើយោងតាមការចុះផ្សាយរបស់កាសែត The guardian.។
ការបង្ហោះសារក្នុងចេតនាផ្សះផ្សានេះ បានធ្វើឱ្យមានការជជែកវែកញែកនៅលើអ៊ីនធើណេតជាពិសេសអ្នកគាំទ្រលោក Elon Musk។ យ៉ាងណាមិញសារដែលលោក Elon Musk បានបង្ហោះនេះ មិនបានធ្វើឱ្យលោក Volodymyr Zelenskiy សប្បាយចិត្តទេ ពោលគឺធ្វើឱ្យមេដឹកនេះអ៊ុយក្រែននិងប្រជាជនអ៊ុនក្រែនស្ទើរតែទាំងអស់ ក្រពុលមុខកាន់តែខ្លាំងលើសដើម ព្រមជាមួយនឹងការឆ្លើយតបវិញភ្លាមៗ ទៅកាន់លោក Elon Musk។
មេដឹកនាំអ៊ុយក្រែនដែលកំពុងទទួលរងការវាយប្រហារពីសំណាក់រុស្ស៊ីនោះ បានឆ្លើយតបទៅកាន់លោក Elon Musk តាម Twitter វិញថា “តើអ្នកចូលលោក Elon Musk ទេ?” នៅក្នុងសារនេះលោកបានផ្ដល់ជម្រើសឱ្យអ្នកអានពីរទៀតគឺ អ្នកគាំទ្ររុស្ស៊ី និងអ្នកគាំទ្រអ៊ុយក្រែន។
ការវាយបក កាន់តែធ្ងន់មួយកម្រិតទៀតនោះ លោក Andriy Melnyk ឯកអគ្គរដ្ឋទូតអ៊ុយក្រែនប្រចាំប្រទេសអាល្លឺម៉ង់ មានប្រតិកម្មចំៗទៅ Elon Musk ថា “Fuck off” ព្រមទាំងបញ្ជាក់ឱ្យដឹងថា នេះគឺជាការឆ្លើយតបបែបការទូត ទៅកាន់មហាសេដ្ឋី Elon Musk។
គូសបញ្ជាក់ថា នៅក្នុងសារដែលលោក Elon Musk បានបង្ហោះថ្មីៗនេះបានបង្ហាញពីការបោះឆ្នោតដែលគ្រប់គ្រងដោយអង្គការសហប្រជាជាតិ នៅក្នុងតំបន់កាន់កាប់ចំនួន៤ ដែលរុស្ស៊ីត្រៀមបញ្ចូលជាមួយទឹកដីរបស់ខ្លួន ដោយការធ្វើប្រជាមតិ។ លោកបន្តថា ការបោះឆ្នោតនេះត្រូវបានរដ្ឋាភិបាលអ៊ុយក្រែន និងលោកខាងលិចចាត់ទុកថាជាការខុសច្បាប់ និងបង្ខិតបង្ខំ ហើយរុស្ស៊ីគួរតែបញ្ឈប់ប្រសិនបើនោះជាឆន្ទៈរបស់ប្រជាជន។
